Girls.Health

呢幾日大霧又潮濕，連頭髮都開始唔聽話喇～出門口冇耐就塌晒，認真冇mood呀！

上篇提到紅棗嘅有益之處，今次同大家講吓「99%的人都忽略的紅棗禁忌」。你又會唔會係其中一個呢？

雖然好多人都話身體弱就要補吓身，但人人嘅體質都唔一樣，唔係樣樣補品都適合架！今日想特別介紹一個非常好嘅食材－紅棗！紅棗味甘性溫、歸脾胃經，有補中益氣、養血安神、緩和藥性的功能，寒底燥底者啱食，而且價錢親民，平均幾十蚊就有一斤！

我哋就由揀紅棗開始講啦！
Q：「係咪愈紅嘅紅棗就愈甜？」
A：不是。紅棗屬於後製成品，表面呈暗紅色的。有時我哋見到一啲好紅嘅紅棗，可能只係被硫磺熏過嘅效果，食得多反而對身體唔好。揀紅棗最好揀有種子，除咗香甜啲之外，亦都較安全。

Q：「紅棗泡水要切開？」
A：對，因為這有助紅棗入面成份完全溶化出來，加上棗核帶有滯氣，容易影響腸胃，所以都係切出嚟好啲喇！

Q：「月經期間適宜食用嗎？」
A：月經期間，好多女仔都會有眼腫、腳腫嘅問題，主要因為月經期間會令女仔濕氣重。但紅棗味甜，痰多水濕，反而令濕氣情況加劇，所以月經期間就唔好食喇。

Q：「如果就咁乾食，會唔會方便啲？」
A：唔係唔得，但咁樣令紅棗嘅效果發揮得冇咁好。紅棗蒸熟 嚟食，可以預防哮喘；紅棗泡茶，可以補氣護嗓；紅棗用嚟煮蛋，可以補血養顏；紅棗煮水，就能強健脾胃。

小編明白香港生活節奏快，未必人人都有時間慢慢整補品。有個簡易食譜，大家不妨參考吓：

材料

桂圓 15粒
去核紅棗10粒
乾百合10克
冰糖 適量

做法

1. 圓肉、紅棗、百合洗淨。
2. 紅棗切片。
3. 所有材料連水半鍋煮滾後，轉小火煮45分鐘至1小時即可飲用。