Girls.Health

又到咗忙碌嘅季節～種種mid-term、projects、exam 不斷入侵，壓力大又唔夠瞓，唔知大家會唔會好似小編咁，發現頭髮悄悄地甩多咗呢？（哭～）如果情況唔嚴重，其實可以從日常飲食入手，令頭髮甩少啲、有光澤啲！

• 早餐：穀片、蛋

穀片係加鐵食物，含有豐富嘅鐵質，如果想食個清清地嘅早餐，可以加多隻蛋落去！蛋含有蛋白質、鐵同維他命B，有助頭髮成長！

• 午餐：菠菜、牛肉

菠菜同其他深綠葉蔬菜含有維他命A同C、鐵、β-紅蘿蔔素，有助保持健康的頭髮同頭皮，係頭髮最好嘅「保濕產品」。

• 下午茶：番石榴、 希臘優格

下午茶想醒醒神，可以食個番石榴，它屬於熱帶水果，含有大量的維他命C，仲可以令頭髮冇咁易斷！如果想再懶啲，可以食杯希臘優格，含有豐富嘅蛋白質，係頭髮生長嘅主要成分，而且入面維他命B5，仲有有助血液流向頭皮和頭髮生長，防止落髮。

• 晚餐：鮭魚、 海鮮

忙咗成日當然想食餐好，海鮮又點睇？鮭魚含有上面提到維他命B5之外，仲有豐富嘅 Omega-3脂肪酸，有助頭髮生長！而且烹調方法簡單～各位可以試試！

食物只係其中一個輔助，老土都要講句：「香港人，放髮啲啦！」小編者明白，香港乜都要快，但頭髮甩多咗已經係個警號～唔想未老先衰，就要好好保養身體！（仲要多啲留意我哋好身子妍究所喎！嘻嘻～）